Fórum í dag með henni Sigrúnu Þormar að skrá okkur inn í landið og fá danska kennitölu.  Sigrún  sér um að flytja íslendinga til Danmerkur ( bland andet, sjá www.sigrunthormar.dk ).  Þessi kona er alger snillingur og er búið að vera frábært að hafa hana við hendina.  Hún s.s sá um að finna íbúð og sækja um húsaleigubætur...barnabætur.. hjólabætur.. og .. já bara allt sem þurfti að sjá um.. og meira til.  En s.s í dag þá skráðum við okkur inn, sóttum um leikskóla fyrir Alexander .. og fórum og fengum lyklana af nýju íbúðinni.  Fórum auðvitað og skoðuðum og maður lifandi hvað hún er flott.  útsýnið er heldur ekki ónýtt, enda íbúðin á 5 hæð.  Sem reyndar er ekki alveg algott, því að lyftan er ekki stór og það eru einhverjir hlutir sem við þurfum að ganga með upp ( einhverjir sjálfboðaliðar ? ).  En kallinn er í góðu formi ( heil 109 kg ) og svo hef ég mössuðustu konu norðan alpafjalla til að hjálpa mér.